VISÍTANNOS DENTE O IES

PARA QUE VAIAMOS COÑECENDO ALGUNHAS ESTRUTURAS DO IES VÉÑENNOS VISITAR DENDE O IES.
DESTA VEZ É PARA DARNOS A COÑECER O GRUPO DE MEDIACIÓN.
SÓ NOS VISITARON AS EXALUMNAS E OS EXALUMNOS DO COLEXIO. APROVEITARON PARA COMENTARNOS ALGO SOBRE O ACOSO DO QUE LEVAMOS FALADO MOITO ESTE CURSO NO CENTRO.

VISITA DO GRUPO DE MEDIACIÓN DO IES

O EX-ALUMNADO DO COLEXIO QUE AGORA CURSA ESTUDOS DA ESO VEU HOXE AO CENTRO PARA FALARNOS DA MEDIACIÓN E TAMÉN SOBRE O ACOSO.
FOI INTERESANTE RECIBIR UNHA CHARLIÑA A CARGO DAS NENAS E DOS NENOS DO INSTITUTO AO QUE IREMOS AO REMATAR ESTE CURSO E COÑECER ALGUNHA DAS SÚAS ACTIVIDADES

OBRADOIRO INNER PEACE

Hoxe desenvolveuse na biblioteca do centro un obradoiro relacionado coa PAZ  e o traballo en valores dirixido por seis persoas de diferentes nacionalidades.

O obxectivo é o de coñecer que A paz debe comezar no noso interior. 

 Somos "corresponsables" para facer un MUNDO EN PAZ. 

Escoitamos un conto con moita atención. Vivimos momentos de reflexión, de relax...de paz dentro e fóra.

HOMENAXE A GLORIA FUERTES

Co gallo da celebración do día do libro, no centro, facemos unha homenaxe a Gloria Fuertes.
Este ano cúmprese o centenario do seu nacemento.
Aprendemos poemas da autora e recítamolos. Ademais traballamos sobre a súa biografía e contribuimos cunha actividade ao mural que se lle dedica dende a Biblioteca

8 DE MARZO, POLOS NOSOS DEREITOS

NESTA SEMANA TRABALLAMOS SOBRE A IGUALDADE E O DEREITO QUE TEMOS TODAS E TODOS A ACCEDER Á PROFESIÓN E AO POSTO QUE MÁIS NOS GUSTE.


COÑECEREMOS A MULLERES QUE TRABALLARON EN OCEANOGRAFÍA, PALEONTOLOXÍA, FOTOGRAFÍA,... MULLERES QUE LOITAN POLOS SEUS DEREITOS.

UNHA SAÍDA EDUCATIVA A SANTIAGO

O VENRES ESTIVEMOS EN SANTIAGO.
O NOSO OBXECTIVO ERA VISITAR O MUSEO DE HISTORIA NATURAL.
O MUSEO ESTÁ BEN ORGANIZADO E PUIDEMOS OBSERVAR ESPECIES ANIMAIS TERRESTRES, ACUÁTICAS E AÉREAS, ADEMAIS DE MINERAIS, METEORITOS, ROCHAS, O SOLO,...
DESPOIS ACHEGÁMONOS ATA A CATEDRAL, ANTES DE ENTRAR MERENDAMOS NUNHA DAS PRAZAS (PRATERÍAS) E DESPOIS  VISITAMOS AS OUTRAS  PRAZAS DO ENTORNO.
NA PRAZA DO OBRADOIRO CELEBRÁMOSLLE O ANIVERSARIO A ALBERTO R. E DESPOIS FOMOS COMER.

TAMÉN TEMOS UN VÍDEO

Saída a Santiago de Compostela - 6° EP from Alba Blanco on Vimeo.

UF! O ENTROIDO!!!

CANTO TRABALLO DÁ ISTO DO ENTROIDO:
- DISFRACES
- COMPARSA
- COPLAS
- ELABORACIÓN DE DOCES

TOCOUNOS FACER AS COPLAS PARA O XUÍZO DO VILAVERDIÑO.
FIXEMOS MOOOOITAS! TANTAS QUE HOUBO QUE FACER UNHA RIGOROSA SELECCIÓN.
TODAS ESTABAN ESTUPENDAMENTE REDACTADAS, PERO COMO NON SE PODÍA ALONGAR O XUÍZO QUEDARON ESTAS POUQUIÑAS:

Xuizo 2017 de xianadecide