RECIBIMOS ÁS NENAS E AOS NENOS DE INFANTIL

O VINDEIRO CURSO AS NENAS E NENOS DE INFANTIL DE 5 ANOS PASAN A PRIMARIA, SERÁN AS NOSAS COMPAÑEIRAS E OS NOSOS COMPAÑEIROS DE CICLO. HOXE RECIBÍMOLAS E RECIBÍMOLOS NAS NOSAS AULAS, COMPARTIMOS MESA E CADEIRA, ENSINÁMOSLLES OS MATERIAIS E AS AXENDAS... REALIZAMOS UNHA ACTIVIDADE CONXUNTAMENTE... SABEMOS QUE LLES ENTUSIASMA A VISITA PORQUE A NÓS TAMÉN NOS GUSTOU O CURSO PASADO E TAMÉN SABEMOS QUE LLES ENCANTA NON TER MANDILÓN. TIÑAN PREPARADAS MOITAS PREGUNTAS, AGARDAMOS TER SABIDO RESPONDERLLAS BEN.

E HOXE ESTIVO CONNOSCO FINA CASALDERREY

HOXE, DESPOIS DO RECREO ESTIVO CONNOSCO FINA. FALOUNOS DO SEU LIBRO E MÁIS DELA. ASINOUNOS O NOSO LIBRO, É XENIAL! QUEDOUNOS GANAS DE LER OUTROS LIBROS DELA, IGUAL NOLO AGASALLAN PARA O VERÁN. PUIDEMOS ESCOITALA MOI BEN PORQUE TROUXO UN MICRO PORTÁTIL. TEMOS UNHA CHEA DE FOTOS QUE XA VOS IREMOS SUBINDO.

VAI VIR FINA CASALDERREY O LUNS

ESTIVEMOS LENDO UN LIBRO DE FINA CASALDERREY TITULADO "QUEN ME QUERE ADOPTAR?" E... SABEDES? FINA VAI VIR FALAR DO LIBRO E ASINARNOS OS EXEMPLARES. LEVAMOS VARIOS DÍAS FACENDO ACTIVIDADES, PREPARANDO PREGUNTAS,... E HOXE PUXEMOS TODO NA BIBLIOTECA. LAMPI PUXO ALÍ UNHA EXPOSICIÓN CON ALGÚNS LIBROS DELA. XA VOS CONTAREMOS COMO SAÍU TODO!!

LETRAS GALEGAS: POESÍA E FESTIVAL

CO GALLO DA HOMENAXE A VALENTÍN PAZ ANDRADE NO COLEXIO CELEBRAMOS O XX CERTAME DE POESÍA. ASÍ QUE LEMOS AS NOSAS POESÍAS NO PATIO XUNTO AO RESTO DO ALUMNADO DO CENTRO E UN DÍA DESPOIS ASISTIMOS Á ACTUACIÓN DE PESDELÁN, NA QUE PARTICIPAMOS BAILANDO.

VALENTÍN PAZ ANDRADE OCUPARÁ AS NOSAS INVESTIGACIÓNS

UNHA WEBQUEST SOBRE VALENTÍN PAZ ANDRADE AXUDARANOS A INVESTIGAR SOBRE A SÚA VIDA E FACER UN LIBRIÑO E UNHAS TARXETAS PARA EXPOÑER. XA VOS IREMOS CONTANDO.

REMATAMOS O PROXECTO SOBRE A QUENLLA E O TIGRE

AS DÚAS CLASES DE PRIMEIRO ELABORAMOS UN TABOLEIRO COMPARATIVO ENTRE A QUENLLA E O TIGRE. COMO SABIAMOS MOITO INDA NOS LEVOU UN TEMPIÑO, MAIS... VELAQUÍ O RESULTADO

UNHAS SESIÓNS NO LABORATORIO

ESTAS SEMANAS ESTIVEMOS NO LABORATORIO APRENDENDO COUSAS DAS PLANTAS E DOS ANIMAIS. USAMOS A LUPA BINOCULAR E O MICROSCOPIO.
ESTA EXPERIENCIA AXÚDANOS A REMATAR O PROXECTO DE ANIMAIS E A COMEZAR UN QUE FAREMOS SOBRE AS PLANTAS...